Лух Авт
Веӆпасӆаты пора пуншса
Округеван, унт ӆор тыӆащ ӆапатхощъяңмет хатӆ эӆты унтан уӆты тохӆаң войт веӆпасӆаты пора пуншса. Хольмаң пеӆа ветмет хатӆ эӆты йиңкан мартатӆыты па нюраман уӆты васэт ищи веӆты рахты питас.
Хащам ӆапатан Ӆорвош район веӆпасӆаты нэпек ӆэщатты хотан хоят тэӆые ус. «Шоши мув хоятӆув ӆэваса пошкан пиӆан унта ант яңхӆат. Нэпекӆаӆ иса ӆэщатман тайӆаӆӆаӆ. Уӆтыйн, васы веӆпасӆаты порайн кат щёрас пеӆа хуӆамсот нэпек ханшӆтаӆув. Тампуш йи хоята яң ӆунт па ветъяң васы веӆты рахаӆ. Вет лук, яң кутар, хольмаң кущты вой, хутъяң няхты вой лицензия нэпекан ханшты эсаӆӆа», — Мужи вошан вой веӆпасӆаты нэпек ӆэщатты хотан куща ху Сергей Алексеевич Молчанов ястас.
Хой веӆщи веӆпасӆаты нэпек ӆэщатаӆ па хойтат ёшан тайм нэпекӆаӆ нох вусайт, 2025-мет таӆан, щёхар тыӆащ оӆаңмет хатӆ эӆты экзамен маты мосты питаӆ. Экзамен матыйн уйтты: хоты пошкан тайман номсаңа уӆты, унтан шушиӆыман ант ушты, веӆам вой пиӆан муй верты.
Зоя Куртямова ханшам потар
Авторы
Лух Авт
Темы