Лух Авт
Воӆаӊ Ляльн нох питам 80-мет таӆэв постасэв
Там ӆапатан хон мув хоятӆув мет воӆаӊ емаӊ хатӆэӆ постасэӆ. 80-мет таӆа йис, хоты Воӆаӊ Ляль етшас. Ас нопатты тыӆасян 9-мет хатаӆан Овс мув хоятӆув Воӆаӊ Лялян уӆам рутӆаӆ нумаӆмисат, кев хара яӊхсат, лыпат понтсат.
Пулӊават вошан уӆты хоятат аӆаӊсахат эӆты «Вечной огонь» харан актасьсат, Воӆаӊ Лялян нох питам ёх касьтысат. Си юпийн айӆ-унаӆ лялян парам ёх нумаӆматы Пантеон «Парк Победы» хар унты яӊхсат, сита лялян паратам хоятӆув нэмӆаӆ кев харан ханшман уӆӆат, лыпат понтсат.
Сиӆта «Геолог» хар хося шушсат: каш вантсат, соӆтан ӆат ӆэсат. Си тумпийн мастер-классат версат: этаӆтасайт, хоты ляль порайн письмайт ӆэсятысайт, открыткайт ханшсат, нэман ӆэсятам харатан хор версат, арысат па яксат. Хасям таӆатан «Бессмертный полк» акция верӆа. Хатаӆ кимет шупан хоятӆув Воӆаӊ Лялян лялясам рутӆаӆ хорат пиӆан шушсат.
Кашӊ таӆ лялян уӆам хоятӆув шимӆа йиӆат. Ӆув Воӆаӊ Лялян нох питсат, муӊева ям уӆапса масат. Муӊ ӆувиӆаӆ иса нумты питӆаӆӆув, си паӆтап таӆат эӆты няврэмӆува потарты питӆув.
Альбина Тырлина ханшам потар
Авторы
Лух Авт
Темы