Лух Авт
Войт посан понты мосаӆ
Там йисан ай куртатан, ун вошатан кашң хуӆмет хоят хот воӆан энмаӆты войт тайӆ. Тухӆат, ампӆаӆ сапӆ кеӆ ант тайман, лыпаща хухатӆыӆат. Хун па кати ким питаӆ па ёхи ант ёхатаӆ. Кашң вой ант уштаты ураңан посан верӆа, рущ щиран — чипирование.
«Вой няхсап хоща поням сох иӆпия микрочип ёнтӆа. Щи юпийн пос понам номераӆ, нэмаӆ, муй арат таӆа ювман уӆ па па оша понты ясңат электронной база ӆыпия ханшӆа. Ёшан тайты воен мушан ёхатты порайн, мосаң вошат кутан хоӆ пеӆа патан туты мосаӆ, электронной база хоща ханшам отӆаӆ иса ныӆайт. Хоят леккар хота яңхтаӆ порайн карточка щи тайӆ, ёӆан тайты войт ищи щиты мосты отӆаӆ йи тахайн ханшман питӆат. Ушты порайн па сора рахаӆ уятты», — вой леккара рупитты Вячеслав Сандрин ястас.
Щимащ вер 2024-мет таӆ щёхар тыӆащ оӆаңмет хатӆ унты мосаӆ вертыя. Ох сохаптаты ант мосаӆ.
Ӆорвош районан, войт щимащ посан Мужи па Горка вошан понты рахаӆ. Моӆты ант моштаман, там номер хуват 8 (34994) 2-16-10 инщасты рахаӆ.
Зоя Куртямова ханшам потар
Авторы
Лух Авт
Темы