Лух Авт
Вош омпсам емаӊ хатӆ постаса
Кашӊ сус, округеван, ун вошат, ай куртат вош омпсам емаӊ хатӆат постаӆат. Щёхар тыӆащ ветхощъяӊмет хатаӆан тамащ емаӊ хатӆ Канащ куртан верса.
Ун Ас питаран ӆойты хорам ай куртые йис порайн омасман ус. Катра пора эӆты ин там хатӆат унты куртаӊ хоятӆаӆ хуӆ веӆпасӆаман уӆӆат, вонщамотат акатӆат па ханты уӆапсаеӆ шавиӆат.
Емаӊ хатӆ постам хатаӆан, вошаӊ па мойӊ хоятат природно-этнографической комплексан ӆаваӆсайт. Тынасты харат ӆарпитсайт, каш альты хоятат арысат, яксат па мойӊ хоятат ёнтты хущсат. Ӆаӊхапса тайты хоятат ур хотатан вератты харатан ӆэщатсайт. Катра щиран верам ханты ӆопасата, ампарата ӆоӊтыты рахас, вой сохат, веӆпасӆаты пормасат вантты па ёшан кетамты, ханты сохат нох ӆуматты па хор вуты. Сам вохтыйн, каврам шай па эпӆаӊ хошъйиӊк йинщты рахас, маваӊ нянят, мампащат, вонщам отат ӆавематы.
Щутщаты харан Надежда Айховна Перчеда пиӆан еша потрэмисам. Ӆув Харсойм курт эӆты ёхтас па емаӊ хатӆ эӆты каматса ясаӊ ястас:
«Тамащ емаӊ хатӆат уӆӆытэӆан ма иса ёхтыӆыӆам. Каш верты хар вантты, ван рутӆам пиӆан уйтантыты. Там пуш шеӊк ар няврэм каш верты харан арыйс па якас. Ӆыпеман щикем аматӆам. Ант еӆэмӆаман ханты, саран, ур сохан ӆуматӆыман усат па рут ясаӊӆаӆан арысат. Щит хоты шеӊк ям вер. Ванта, щиты щи ясӊев еӆӆы туӆа, нумман тайты питӆа.
Вошаӊ хоят па ар ус. Ӆув кутэӆан ванта ар хоят, хойтат па муват, вошат эӆты округева уӆты ёхатсат. Муӊ мувева уӆты ёхатсат ки, ханты уӆапсаев, верат иса ат уятӆат па няврэмӆаӆ утаӆтаӆат. Тамиты щи, яха пиӆтащман, каш хар яха верман, еӆӆы уӆты мосаӆ. Канащ куртыев еӆӆы ар нупат хоӆна ат ӆойӆ па энамаӆ, хоятӆаӆ вещката па тумтака ат уӆӆат».
Зоя Куртямова ханшам потар
Авторы
Лух Авт
Темы