Лух Авт
Вуӆ майӆапсы сытас
Йиӆап йиты таӆ алаңна ям ясаң ёхтас. Приуральской район ООО «Святогор» хуӆ веӆты предприятие хоща ропытты Леонид Николаевич Сязи Хон мув Министерство сельской хозяйство эваӆт ар таӆ ямас ропытмаӆ ораңна вуӆ майӆапсына майӆаса. Щи Благодарность ӆувеӆ Ямал мув губернатор ӆаңкар ху Сергей Карасёв мас.
«Ма самамна сэңк ям хонты муң хуӆ веӆты ях ант ярэмаӆаю. Вуӆ пумащипа ясаң ма мет алаңна манэм онттам нэңхэт эӆты лавта ӆытӆам, ма пиӆэмна ропытты пиӆӆам, предприятие эӆты, хаӆща муң ропатайна маӆаю. Муң итта веритӆу па алңищ энамты нэңхэт онттада», — Леонид Николаевич лавас.
Хуӆ веӆты ропата пеӆа ропытта питмаӆ мули ниӆъёң молтас таӆӆы йита питас. Мет алаңна ӆув Охсарка рыбозаводна лоңас, щита ӆув ихощъёң таӆ ропытас. Щи юпина холна ниӆхощъёң таӆ па Приуральской район предприятияя ропытас. 2005-мет таӆ эваӆт ӆув мет ям хуӆ веӆтытты ООО «Святогор» предприятие хоща ӆуңтасӆ мет вуӆ результатат эттадаӆ ораңна. 2022-мет таӆна ӆув 14,5 тонна хуӆ веӆас. 2018-мет таӆна ӆув щирӆ рекорд амтас, щи порайна 34 тонна хуӆ мощатас.
Вера Климова хансам потар
Авторы
Лух Авт
Темы