Лух Авт
Вуӆэӊ ёх емаӊ хатӆат ястасайт
Шоши мир ёх пиӆан рупитты департамент ясаӊ верас, хун тампуш вуӆы ёх емаӊ хатӆат манты питӆат. Мет оӆӊа курк тыӆась няӆхосьяӊмет-ветхосьяӊмет хатӆатан тащан яӊхты хоятат Надым вошан уйтантыӆат.
Надымской районан вуӆы ёх емаӊ хатӆа хоятат ай кер тыӆась 21-мет хатаӆан Ныда воша яӊхты верытӆат, 28-метан — Нори курта, ун кер тыӆась 11-мет хатаӆан — Кутопьюганан яха ёхатӆат.
Новый Уренгой вошан хоятат ай кер тыӆась 7-8-мет хатӆатан емаӊ хатӆа актасьӆат. Пуровской районан Тарко-Сале вошан касты ёх курк тыӆась 21-22-мет хатӆатан уйтантыӆат, Харампур — ай кер тыӆась 13-метан, Халясавэй па Ханымей — 21-метан, Самбург — 28-мет хатаӆан.
Ӆорвош район ёх ай кер тыӆась 13-14-мет хатӆатан емаӊ хатӆэӆ постаӆэӆ, Муравленко па Ноябрьск — 14-метан, Губкинской — 21-метан, Пулӊават — 21-22-мет хатӆатан мойӊ хоятат уйтантыӆат.
Тазовской вошан ай кер тыӆась 21-22-мет хатӆатан емаӊ хатӆ верӆа. Антипаюта — ун кер тыӆась 2-3-метан, Гыда — 9-10-мет хатӆатан. Приуральской района Аксарка курта хоятат ай кер тыӆась 27-28-мет хатӆатан ёхатӆат.
Красноселькупской районан шоши мир хоятат курк тыӆась 28-мет хатаӆан Ратта куртан яха уйтантыӆат, ай кер тыӆась 14-метан — Толькайн, 28-метан — Красноселькупан.
Ямальской района ун кер тыӆась 3-5-мет хатӆатан шоши мир па мойӊ хоятат актасьӆат. Новый Порт — 11-метан, Сеяха — 17-18-метан, Панаевск — 18-метан.
Кашӊ вошан, куртан верты уйтантопсаятан каш ӆэсятӆа, касапсайт манӆат, тынасты харат ӆарпитӆайт, вантопсайт па ёнтты харат рупитты питӆат. Мойӊ хоятат шоши мир ёх уӆапса вантты верытӆат. Туп емаӊ хатӆата касты ёхатты утситы хоятата вуӆыӆаӆа ветеринарной контроль манты па вакцинация верты мосаӆ.
Альбина Тырлина ханшам потар
Авторы
Лух Авт
Темы