Лух Авт
Вуӆэң хоятата яӆап нётапса
Округ кущаев Кев сыӆ мув хантэт хоща вуӆы хота яңхмаӆан, номасан ёхатса. 2024-мет таӆан щёрас ветсот портун тайты хошап ӆэщатты па ёра вуӆэт тайты хоятата нётапса верты.
Хошап ӆыпия мосты портунат, нюлам лап ярты щашканат па мазь кеванат понӆайт. Товийн, вуӆэт сибирской язва эӆты портунан понты порайн, ӆэщатам хошапат вуӆы шавиты хоятата лакки ортты. Портун хошапат ураңан ох сохаптаты ант мосаӆ. Щи нётапса вер округан рупитты вой леккарат служба ӆаңкра понман уӆ.
Округев мет ун тащ, ӆапатсот пеӆа хускем щёрас вуӆы тайӆ. Щи тащ эӆты хутъяң процент ёра вуӆэт. Кашң таӆ кат щёрас моӆтаскем тонна няр нёхи хорӆа. Хуӆамсот пеӆа хус нэмпи вуӆы нёхи эӆты верам ӆэтот верӆа. Хон мувев вошатан па па муватан вуӆы нёхи умащӆыман тайӆа.
«Вуӆэт пиӆан рупитты хоятӆув тащ шавиман атаң-хатӆ ищки, руваң, ертаң хатӆатан, вотас порайн, пеӆңа кутан иса рупитӆат. Ун вошатан, хошам хотатан уӆман, хоятат щиеӆ пеӆа тыш ант тайӆат, муй щиран ӆапкаята вуӆы нёхи ёхтаптаса. Щит шеңк ӆаварт рупата. Вуӆы хотан касаӆты хоятӆува иса нётты мосаӆ. Войӆаӆ тумтак порайн, рупата хоща мохты щи кен. Уӆты номас еӆӆы ӆарпийӆ», — округ кущаев Дмитрий Артюхов ястас.
Зоя Куртямова ханшам потар
Авторы
Лух Авт
Темы