Лух Авт
Вуӆэт муш эӆты портунан понӆайт
Округеван вуӆэт сибирской язва муш эӆты портунан понты питсайт. Ин рупатайт няӆ районатан манӆат. Ияха вуӆы леккар хус бригада рупитаӆ. Йи хатӆ сыс йи сёрс ветсот вуӆы уколан понӆа.
Там таӆан 545 сёрс вуӆы уколан понты утсиӆа. Там хатӆатан Новопортовской нюраман касӆыты вет хоттэӆ вуӆыӆаӆ акатсаӆӆаӆ. Ияха кат сёрс моӆтас вуӆы. Каматса этапан рупитӆат. Оӆаңан хор вуӆэт ураңан атэӆ хар верӆа. Хоратан ант пуратты ураңан, нэ вуӆэт па пешиет атэӆ тахайн уӆӆат.
Рупитты хоятат портунӆаӆ укол понты еӆпийн ӆэсятӆэӆ, няӆ сёс туп юр тайӆ. Йи хошап эӆты ӆэсятты портунаӆ няӆсот воя тармаӆ. Уколан понты вуӆэт оляпан нёсэмаӆайт.
ГБУ «Окружной центр ветеринарии» Ӆорвош отделан вуӆы леккара рупитты пох Вячеслав Сандрин каматса ясаң ястас: «Хасям ӆапатан Горковской совхоза ӆуңтасты хуӆмет хота яңхсув. Кат сёрс нийӆсот ун вуӆы портунан понтсув. Суюват хоӆна айт, портунан ант рахаӆ понты. Кат хоят рупитсув. Итаӆ портун понаӆ, кимет — бирка вераӆ.
Унт ӆор тыӆась хусмет хатӆ юпийн, хун пеӆңайӆ шимӆа йиӆ, МСП Мужевской совхоз пеӆа ӆуңтасты оӆаңмет, кимет, хуӆмет па ветмет тащата па Горковской совхоз оӆаңмет, кимет, няӆмет бригадаята манӆув, вуӆыӆув портунан понӆаӆӆув».
Укол понты тумпийн, вуӆэт хоӆна вурэӆ вуӆа. Тащан уӆты ампат иси уколан понӆайт па вуӆы порты войт эӆты портунан нёсытӆайт. Мосты порайн симась рупатайт манты тахая кашң таӆ аршак вуӆы тутӆыты питса.
Альбина Тырлина ханшам потар
Авторы
Лух Авт
Темы