Лух Авт
Вуӆы хотан яӊхты ёх емаӊ хатӆа ӆэщатыӆа
Хащам ӆапатан Ӆорвош район куща ху Олег Попов ВК социальной сеть хоща ханшсаӆӆы, 2025-мет таӆан ай кер тыӆащ няӆхощъяӊмет па ветхощъяӊмет хатӆатан тащ хотан яӊхты ёх емаӊ хатӆэӆ постаты питӆат.
Вуӆы хотан яӊхты ёх касапса округ ӆоватан хоятатан ӆаваӆӆа. Емаӊ хатӆа тэӆые хоят ёхатаӆ, хой рутӆаӆ пиӆан уйтантыты, хойтат каш альты па касты верат вантты, тухӆат па ясаӊ хуӆман, хорам, ищки мувева щах оӆаӊ пуш ёхатӆат.
«Овс муван уӆӆув» портал хуват емаӊ хатӆ верты хар пирыса. Туняӆ иты, Ханты-Мужи курт лепан каш верты хар ӆарпиттыя мет ар пос маса.
Па пуш касты харан яӆап касапса верты утщиӆа. Тащ хотаӊ мохет ашкуӆайн па рупата пеӆа утаӆтыты няврэмӆаӆ ищи кастыя верытӆат. Щиты мет яма ныӆа, хоты таӆаӊ хоттэӆатан шоши мув хоятӆув вуӆы шавиты верэӆ еӆӆы туӆэӆ.
2024-мет таӆан емаӊ хатӆа хуӆам щёрас моӆтас хоят ёхтыӆыйс. Па пуш верты уйтантопсая па ёхтыӆыяты.
Зоя Куртямова ханшам потар
Авторы
Лух Авт
Темы