Лух Авт
Утаӆтыты питщам энамты няврэмат нётсайт
Ямал муван яӆап нётоп щир этас. Шимӆаӊ мир ёх эӆты уӆты, очной щиран веӆщи утаӆтыты питщам, энамты хоятат нийӆъяӊ щёрасан масайт. Щимащ нётоп там таӆан «Ямал — территория детства» программа онтасан оӆаӊ пуш верса.
Оӆаӊ курсан утаӆтыты мохет, хой антиӆаӆ, ащиӆаӆ касӆыман, хуӆ веӆман уӆӆат, хой хоттэӆаӆ шимаӆ ох ёша паятаӆ, щимащ нётопан китсайт. Щи охатан уӆты хот сахат сохаптаты, ӆуматты сох, ханшты юхат, нэпекат ӆутты рахаӆ. Щи тумпийн, утаӆтыты воша па ёхӆы манты юш сахат маты.
«Округеван шоши мир ёх эӆты уӆты энамты хоятат иса нётӆайт, щи вер такан тайӆа. Нумасӆам, няврэмат охан нётты мосӆат. Щиты ӆув хотӆаӆ эӆты хуван уӆты оӆаӊ утаӆтыты таӆэӆ кеншак манаӆ», — Овс мув шимӆаӊ мир ёх департамент куща нэ Ульяна Каленюк ястас.
Хольмаӊ пеӆа йи няврэм охан китса. Щит арпелак Хон Петра, Тюмень, Екатеринбург па Омск вошата утаӆтыты манам эвет па похат.
Валентина Рохтымова ханшам потар
Авторы
Лух Авт
Темы