Лух Авт
Ӆытыт кавартам касапса харэв нумаӆмиӆэв
Хыщам ятан, Пулңават «Ямал Парк» щутщаты харна гастрономической фестиваль «Нянь Фест» манас. Кутӆаӆна ӆытыт каварты харна касты ораңна, Ямал хуват олты вуӆ васат па ай похлыет эваӆт олты мур тэӆ нэңху яха актащисат.
Тамащ фестиваль Ямал мув нэңхэт ораңна тампус мет алаң пус верса. Инесса Яунгад лавты ясаңна, ӆув ай олмаӆ тэӆна мув вантман яңхты нэңхэт ораңна тамащ касты харат верта ӆытыӆымаӆ. Энамты нэңхэт пиӆна ропытты тахайна лоңмаӆ юпина, грант хансты номасна ёхтам.
«Мет алаңна Алексей Конев тамащ фестиваль Ӆорвош район Ханты-Мужи куртна верта вутщийс, щи юпина муң щи идея онтасна тамащ вуӆ хар Пулңаватна ӆарпитсу, муң номассу, па районат эваӆт нэңхэт эӆты щёкат питӆ Ӆорвош район пеӆа ёхтаптыта, щитна тамхатӆ муң тата актащсу», — Инесса лавас.
«Нянь Фест» фестивальна нэңхэт кавартам каӆаң нёха, хуӆ, вур щанькайт ӆысат. Кимет хатӆ па «Казым-Нёӆ» команда эваӆт олты ныңат хуӆ эваӆт верам наггетсат ӆэщатысат, ловатӆна Ӆорвош район эваӆт ниӆ команда ос.
Вера Лонгортова хансам потар
Авторы
Лух Авт
Темы