Няръяна Ӈэрм
Иланд ’ вырэй ’’
Ямалханана ’’ тюку пова ’’ «Год героев» нюбе ’’ ӈа. Ӈамгэхэртан ’ сейдо ’ ниня пинана ’’, ява ’’ лэтрамбавы ’’, теда ’ таняна мэни ’’ ед ’ таславы. По ’ ямбан ’ нямнандо ’ ханярина хуркари ’’ юне намдор ӈава ’’.
Тикы ’ сер ’ «Герои Ямала. Новое поколение» нюбета проектан ’ Олег Тэмневич Лаптандерм ’ падвыць. Сидя по ’ тяхана нямнанда юнм ’ намдаваць. Пыда Усть-Юрибей ’ пэндъяхана мякаданда сэр ’’ варкм ’ вэнолтамбавысь. Тарця маянд ’ ерево ’’мамдо ’ тарем ’ ваде ’’мэдась:
– Мань мякдани ’ тарпываць. Тад сыр ӈадм ’, нерни няна юр ’’ метр ’ хункана сэр ’’ варк ну. Си ’’ми манэ ’’манда сер ’ хэвня вэнолъй ’’, паромба мят ’ тюдм ’. Пухуцями, нюни нюм ’ сиде ’’ ӈахаюн ’. Пин ’ лы ӈгадава ’’ пюванзь тарпына ’’. Сюрамбадаханди ’ варк сидди ’ тэвась. Няхаюни ’ пява ӈгаваданда явэм ’ няюни лаво ’’лавась. Мирваси ’’ ӈударихина пёданинзь. Факторияхана манзара нями ӈавэдана сидни ’ манэ ’’ ӈась, лаво ’’ладась. Пуна пухуцями хардан ’ телефонувна хасава нюхуни ’ лаханась. Тамна ’ тяха ’ нюми ’ спецслужба ’ тер ха ’’мысь.
Таминдо ’ сиддо ’ Саля ӈгардыхы лекар ’’ мят ’ ханавыць. Олег Тэмневич иле вудумысь. Лекар ’’ мякана сэр ’’ варк хаде ’’мы ’’, сятормы ’’ ӈудида, ӈэвамда пон ’ торарамбавыць. Округна ’’ биоресурс ’ лэтрамбади ’’ ӈэвахана мэна ’ вадавна, няхарм ’ пота явэ ӈэвысь, са ӈгомда 250 кыла. Фактория ’ няна ӈаврадамда пюрмы ӈэ ӈгу, ня ’’амвэдонзь. Хонабтахая, хэвня ’ ханавэдонзь.
Яханана ’’ «Год героев» ’ сайтм ’ сертавыць. Тикахана хуркари ’’ тараванда ’’, мале ӈэвы ’’ ӈарка ’’ сер ’’ пады ’’. Ӈамгэхэртан ’ сейдо ’ ниня пинана ’’ ненэця ’’ ӈани ’ таняна пады ’’.
Руфина Окотэтто ’ падвы
Сидяӈг: Марина Яр ’ тадтавы
Авторы
Няръяна Нгэрм
Темы