Няръяна Ӈэрм
Падро сертабава нензел’’ ӈэӈгу
Едэй илаӈгана тарана’’ падрона’’ «Госуслуги» порталхана сертаба пиръяна’’. Сямян серона’’ таняна тасласетына’’. Тикы мутра ёльце сававна сидна’’ нядаби.
Ӈэрм’ тер’’ е’’эмня яӈга «раздел» ӈадимы. Теда’ невхы иринато’ ила’ саирм’ нёдана’’ нина’’ (мюсерта’’, нядэна’’) интернет’ мутравна ӈока серодо’ тидхалембаӈгу’’. Ӈахат’ сер’ тодо’’ ерво’’ мя’’амна ядэрць ни тараӈгу’’.
Ӈопой страницахана тасла пир’’манда’’ сер’’ тарця’’:
-Нюсавэй’’ мяд’ тер’’ е’’эмня ӈадимдевы’’ няд’’ма’’
• ӈацекы’’ еся’’
• чумовой капитал нюбета нядаӈгосэй
-Колледжха’’на тохолкова’ няю’ мэта’’ няд’’ма’’
• тохолкова’ мир’’ есям’ салдамба мэ’’манда’’ падар’’ (сертификат’’)
• имбытадо, паны, тохолко мэ’’манда ӈавори тэмдаба мэ’’манда’’ падар’’ (сертификат’’)
• лакамбой’ иле лохоӈэ мэта мяд’ мир’’ есям’ хусувэй ирыхына салдамбава (колледжха’’на манзаядамдо’ тохолавы’’ илебей’’ ненэця’’ няхар’’ по’ ямбан’ тикым’ мэць пирӈадо’).
-Институтха’’на, университетха’’на тохолкоди’’ няд’’ма’’
• нюртей курсхана мэнаха’’ мипада еся’’ нядаӈгосэй
• тохолковам’ салдамба мэ’’манда субсидия
• сававна тохолкода’’ студент’’ е’’эмня Ямал’ ерв ӈадимдембада стипендия
-Мюсерта’’, нядэна’’ ненэцие’’ няд’’ма’’
• ирыхына ня’’марпада’’ самляӈг ёнар’’ есядо’
• халя’ падар’’
• невхы ила’ саирм’ минре мэта’’ нядаӈгосэй’’ (мяд’ ея’’, ӈу’’, хор’’, ной’’, поӈга’’, лата’’, тамна ӈани’’ ӈавори ня’’марпава)
Тикы’’ хавна таняд ӈока илаӈгана тарана’’ вади манэць пиртада’’. Хурка’’ няд’’мина’’ танявам’ мал’ хоӈгуда’’. Ӈэрм’ тер’’ серо ня’’амба
Галина Окотэтто' падвы
Авторы
Няръяна Нгэрм
Темы