обновлено: 10:44, 15 ноября 2024
Няръяна Ӈэрм
Пэдавако ӈэдалёлтавы
Тюку илаaгана сямян и’ ядэрабцо ялян’ӈадимзь пирaада. Я’’манаӈамгэ яaговам’ Пяко’’ я’ няна илена хасаваӈацекы манэ’’лабтадась. Пыда тандая’ мята тер’’ ня’ нуво’’ пано’’ тяха’ тиaгутана ракетам’ маниесь.
Нянанда ядэрмы’’ нида мал’ тохолковахана ва’’лёй’’ӈацекы’’, «Большая перемена» пирдырмахана мэвы’’, ява’’ лэтрамбадина’’ ню’’. «Восточный» нюбета космодромам’ манэ’’манзь 150 Россия’ терм’ ядэлаць.ӈэдалёрмадо’ «Здесь начинается космос» нюмам’ мэ’’aась. Сидя Я’ малхадӈэда неӈацекэхэ’ хасава юдимдей классахана тохолкодаха’ Харсаимхадӈэдаха’ Юлия Попова няби Мария Терентьеваӈобтикы танямна ядэрмэхэнзь. Пыди’ нисяхаюди’ ява’’ лэтрамбада ненэцяaг’.
2024 по’ нюртей ирыхына яна’’ӈарка ерв Владимир Путин Мяд’ тер’’ пом’ нэмбись. Россия’ ханяридӈэда’’ ненадорка мяд’ тер ма’’лаць. Ты пэртя Енкси Пяк’ мята тер’’ ня’ таняна мэсь. Лаханакованда сер’ӈарка ервм’ Ямалм’ манэ’’манзь хаaадась. Пуна тарем’ ниць ха’’ам’’, нара’ няна космонавт’’ яляхана тэри телефонувна нянда лаханась. Тамальaгана мась: «Нюнд ню Ростислав космосан’ тиaгутана ракетам’ манэ’’ман’ харвавам’ тенев, ӈани яляхана пыда тарцям’ манэта». Тикы’ вади’’ пуд округна’’ нермбэртя «Роскосмос» серо минрена ервхад хонаркусь, тикахадӈокаркаӈацекым’ таня’ӈэдара таслась.
Сяхаaгарт’ тиaгутана ракетам’ нивы’’ манэпавы’’ӈацекы’’ ёльце маймбавыць. Едэй космодромам’ хусувэй хибя манэць нида пирас’’, ӈояк’’ таня’ ненэцие тэволэйдо’.ӈадьбята тохолкода’’ӈэдалёро’’мамдо’ пилибт’’ тенеaгудо’. Ямал’ӈэвахана мэнаӈацекэхэ’’ лаханавы: «Сяхари’ хибяхавара’’ тарця манзаям’ тэрабта саваӈэaгу. Инженерной наука тохоламбава ёльце таранаӈамгэӈэвам’ теда’ харта’’ манэ’’aара’’. Тад нерня’ тамна саваркавна тохолкуда’’, варемда’’ мэ’’aада’’».
Нюртей мэва’ пэдавакоӈэдалёлтэйдо’.ӈокханда няхар’’ ёнар’’ пир’’ӈацекы’’ помнандо’ пирдырмы’’. Сямянхат ва’’лёйдо’ тэравы’’, ханавы’’. Таня’ еремя’ е’’эмня ненадо учёной’, космонавт’ нямна интернет’ мутравна лахана таравы. ГТО ненадумда’’масавэй, волонтёр’ падарцавэйӈобтикы саву’’мыдо’.
Анна Яптик’ падвы
