Няръяна Ӈэрм
Тохолкодиˮ нядˮма
Манзаямʼ тохоламбада илебей ненэциеˮ едʼ хуркариˮ тарана нядˮми ӈадимдембиˮ. Пыдоʼ нянандоʼ тохолковари тара. Хэвы сиˮив яляхана нядˮманʼ харвана илебей ненэцие пароламба пяйдонзь.
Нердена поʼ тохолковандаˮ ӈахакуд падродоʼ ӈэдарамбабатоʼ сава. Тарця хибяриˮ сиднтет юˮ ёнарˮ есямʼ няˮма пирӈаˮ. Пыдоʼ тэхэˮна мэнаˮ ненеэциеˮ нюˮ, мяканандоʼ есядоʼ тянё мядʼ терˮ ӈэбатоʼ тараˮ. Нюртей поʼ тохолко пэˮмахадандоʼ няхарˮ юˮ яляʼ серʼ падродоʼ ӈэдарамбабатоʼ сероˮӈа.
Падвы падродоʼ ӈэрмʼ терˮ иламʼ тидхалембада департаментанʼ ӈэдабтамбабатоʼ тара. Таняна манэсоˮмахадандоʼ сидтоʼ хонраӈгуˮ, ӈамгэмʼ таславамдоʼ вадетаˮ. Тарця нядˮмаʼ есямʼ няˮамваʼ няюʼ тарця вато нёда тара: нюртей поʼ тидпойˮ тохолкуˮ, школар, иле яр Ямалхананаˮ ӈэбата тара, ӈэрмʼ теранʼ ӈаˮ, мят терˮ невхы иринатоʼ илаʼ саирмʼ нёдаяˮ, харвабта мят терˮ есяндоʼ тянё ӈэсь социальной защитахана паднакыˮ. Тикахана ненэся тарця ӈэбата нянд нядˮмаӈэ сидндет юˮ ёнарˮ есямʼ татаˮ.
Тамна сававна юнмʼ тюкоход хонра пиртар: 8 (34922) 6-70-23. Сайтханандоʼ тамна сававна толаӈгур: dkmns.yanao.ru
Марина Яройʼ падвы
Авторы
Няръяна Нгэрм
Темы