Няръяна Ӈэрм
Тохолкова ядамдоʼ тэрабиˮ
Илаӈганандоʼ тараванда манзаядамдоʼ тохоламба пявандаˮ илебейˮ ненэцяˮ тедаʼ тэтнаˮ. Пыдоʼ ӈахакуд тохолко ядамдоʼ тэрабиˮ. Тевʼ ёльцяӈгана падродоʼ хуркариˮ яхаˮ ӈэдарамбидоʼ.
Яхананаˮ тюку ялэˮ пиркана мале няхарˮ ёнарˮ падармʼ колледжахаˮ падвыць. Ӈокадоʼ Салехардыхы колледжмʼ тэравыць. Тикыʼ хавна ханяӈыдоʼ Новой Уренгойʼ, Ноябрьскʼ хардахаˮна тохолкованʼ харвавыˮ. Сямянхат харвобтана манзаядоʼ яʼ тебтмʼ нэкалпава ӈэдараха. Лекарˮ, мядонди ядабтамбава манзаямʼ тэрабавыˮ.
Ханяӈыˮ илебейˮ ненэцяˮ тохолковамдоʼ хартоʼ салдамбаӈгудоʼ. Сяӈок ӈацекы тохолко пэвамʼ сельбяʼ няна вэбаʼ ирыхына пунумдаӈгудоʼ.
Падродоʼ хартоʼ тэврамба, Госуслуги нядˮмяць ӈэдарамба пиръядоʼ.
Нюдяне Махакуйʼ падвы
Авторы
Няръяна Нгэрм
Темы